د اوبو او انرژي وزارت د انرژي معین د زولرستان تولیدي شرکت له مسؤلینو سره وکتل
د اوبو او انرژي وزارت د انرژي معین محترم ملا عبدالقاهر ادریس د خپل کار په دفتر کې د زولرستان تولیدي شرکت له استازو سره وکتل او په کندهار ولایت کې یې له لمریزې انرژي څخه د برېښنا د تولید په هکله بحث او د اندونو تبادله وکړه.
په یاده لیدنه کې، د نوموړي شرکت استازو خپلې ستونزې او وړاندیزونه د اوبو او انرژي وزارت د انرژي له معین سره شریک کړل او په هېواد کې یې د لمریزې برېښنا د تولید په پروژو کې د پانګونې لپاره لېوالتیا څرګنده کړه.
د انرژي محترم معین د زولرستان شرکت د استازو د اندونو او وړاندیزونو تر اورېدلو وروسته، د هغوی د ستونزو د هوارولو په برخه کې د همکاري ژمنه وکړه او په هېواد کې یې د لمریزې برېښنا د تولید په پروژو کې د پانګونې پر چټکتیا باندې ټینګار وکړ.
