د اوبو او انرژي وزارت تخنیکي پلاوي د دایکندي له والي سره وکتل
د اوبو او انرژي وزارت، د افغانستان برېښنا شرکت او ملي تدارکاتو ګډ پلاوی چې دایکندي ولایت ته د سوختوک برېښنا بند د ستونزو د څېړلو په موخه سفر کړی، د دغه ولایت له والي ښاغلي حاجي عبید سره وکتل.
په یاده لیدنه کې، د دغه ولایت والي په نیلي ښار کې د اوبو او برېښنا د کمښت ستونزه او د سوختوک برېښنا بند پراختیا له یاد تخنیکي پلاوي سره شریکه کړه.
په ورته مهال، د یاد تخنیکي پلاوي مشر ښاغلي عبدالغفور عمري په دې لیدنه کې وویل چې د سوختوک برېښنا بند د ستونزو د څېړلو په موخه یې دایکندي ولایت سفر کړی او یادونه یې وکړه چې په دې ولایت کې د اوبو او برېښنا د کمښت ستونزه به د اوبو او انرژي وزارت له رهبري سره شریکه کړي.
