د اوبو او انرژي سرپرست وزیر د هلمند ولایت د موسی کلا ولسوالي له مشرانو سره وکتل
د اوبو او انرژي سرپرست وزیر محترم ملا عبداللطیف منصور د هلمند ولایت د موسی کلا ولسوالي له مشرانو سره وکتل او د اوبو د کمښت په برخه کې یې د هغې ولسوالي د خلکو د ستونزو د هوارولو په هکله بحث او د اندونو تبادله وکړه.
په دغه لیدنه کې، د نوموړې ولسوالي مشرانو په هغې ولسوالي کې د موسی کلا بند د پروژې او د چکډمونو د پروژو د پلي کولو غوښتنه وکړه.
د اوبو او انرژي سرپرست وزیر هغوی ته ډاډ ورکړ، چې د شته امکاناتو په پام کې نیولو سره به د دوی ستونزو ته رسیدګي وشي.
