د اوبو او انرژي سرپرست وزیر د نورستان ولایت له یو شمېر علماو او قومي مشرانو سره وکتل
د اوبو او انرژي سرپرست وزیر محترم الحاج ملا عبداللطیف منصور د خپل کار په دفتر کې د نورستان ولایت د کامدیش ولسوالي له یو شمېر علماو او قومي مشرانو سره وکتل په هغه ولایت کې په ځانګړې توګه په کامدیش ولسوالي کې د اوبو او انرژي پروژو د پلي کولو په هکله بحث او د اندونو تبادله وکړه.
د نورستان ولایت د کامدیش ولسوالي علماو او قومي مشرانو د اوبو او انرژي د سرپرست وزیر سره په لیدنه کې په هغې ولسوالي کې د اوبو بند د جوړولو او د برېښنا رسونې پروژو د پلي کولو غوښتنه وکړه.
په ورته مهال، د اوبو او انرژي سرپرست وزیر د نوموړي ولسوالي علماو او قومي مشرانو ته ډاډ ورکړ، چې په نوموړې ولسوالي کې د بند جوړولو لپاره سروې ترسره شوې او پر ډیزاین باندې کار روان دی او د راتلونکي کال په بودجه کې به شامل شي او له هغو سره یې د شته امکاناتو او متوازنې پراختیا په پام کې نیولو سره د هر راز همکاري ژمنه وکړه.
