د اوبو او انرژي سرپرست وزیر د لغمان ولایت د قرغه یي ولسوالي له مشرانو سره په هغه ولسوالي کې د برېښنا رسونې د پروژې په هکله خبرې وکړې
د اوبو او انرژي سرپرست وزیر محترم الحاج ملا عبداللطیف منصور د خپل کار په دفتر کې د لغمان ولایت د قرغه يي ولسوالي له یو شمېر مشرانو سره وکتل او په هغه ولسوالي کې د اوبو او انرژي د پروژو په هکله بحث او د اندونو تبادله وکړه.
په دغه لیدنه کې، د قرغه یي ولسوالي مشرانو په هغه ولسوالي کې د برېښنا رسونې د پروژې د پلي کولو غوښتنه وکړه.
د اوبو او انرژي سرپرست وزیر هغوی ته ډاډ ورکړ، چې په راتلونکي کې به د شته امکاناتو په پام کې نیولو سره د هغوی ستونزو ته رسیدګي وشي.
