د اوبو او انرژي سرپرست وزیر د ریاست الوزرأ له کفیل او سیاسي مرستیال سره وکتل
. د اوبو او انرژي سرپرست وزیر الحاج ملا عبداللطیف منصور نن د ریاست الوزرأ له کفیل او سیاسي مرستیال محترم مولوي عبدالکبیر سره په سپیدار ماڼۍ کې وکتل. په دغه کتنه کې محترم منصور صاحب د اوبو او انرژي وزارت د لاس ته راوړنو، پرمختګونو او راتلونکو پلانونو په هکله د ریاست الوزرأ سیاسي مرستیال ته مفصل معلومات وړاندې کړل. د ریاست الوزرأ سیاسي مرستیال او کفیل له نوموړي څخه د مننې په ترڅ کې وویل چې د اوبو او انرژي وزارت د افغانستان له مهمو وزارتونو څخه دی او د هېواد په پرمختګ کې مهم رول لري. د ریاست الوزرأ سیاسي مرستیال زیاته کړه چې د اقلیم د بدلون لپاره د آمادګي په خاطر دې د اوبو او انرژي سرچینو مدیریت ته لمړیتوب ورکړل شي. د لیدنې په پای کې د ریاست الوزرأ کفیل او سیاسي مرستیال د اړونده چارو په هکله محترم منصور صاحب ته اړینې سپارښتتې وکړي
