د اوبو او انرژي سرپرست وزیر د بغلان له والي سره وکتل
د اوبو او انرژي سرپرست وزیر محترم الحاج ملا عبداللطیف منصور د بغلان له والي محترم الحاج عبدالرحمن حقاني سره د یاد ولایت په مقام کې په داسې حال کې وکتل چې د سیندیزو حوزو یو شمېر رئيسانو یې ملتیا کوله.
په دغه لیدنه کې، د بغلان والي د اوبو او برېښنا په برخه کې د دغه ولایت د خلکو شته ستونزې او وړاندیزونه د اوبو او انرژي له سرپرست وزیر سره شریک کړل.
د اوبو او انرژي سرپرست وزیر په دغه لیدنه کې د بغلان والي ته ډاډ ورکړ، چې د متوازنې پراختیا او شته امکاناتو په پام کې نیولو سره به د دغه ولایت د خلکو ستونزو او وړاندیزونو ته رسیدګي وشي.
