د اوبو او انرژي سرپرست وزير هرات ولايت ته سفر وکړ
د اوبو او انرژي سرپرست وزير محترم الحاج ملا عبداللطيف منصور هرات ولايت ته د خپل سفر په ترڅ کې د دغه ولايت له والي، د هريرود- مرغاب عمومي حوزوي رٸيس محترم مولوي عبدالسلام مستوفي آغا او د هرات د اوبو او انرژي له رٸيس محترم مولوي سردار عزيزي سره وکتل٠
د اوبو او انرژي سرپرست وزير د هرات له والي سره په ليدنه کې په دغه ولايت کې د اوبو او انرژي پروژو د پلي کولو په هکله د بحث ترڅنګ، له ايران هېواد څخه د راستنېدونکو مهاجرينو د ستونزو د هوارولو په هکله هم خبرې، اترې وکړې٠
همدارنګه، د اوبو او انرژي سرپرست وزير د هريرود مرغاب عمومي حوزوي رٸيس په ملتيا د بخش آباد بند پروژې د چارو له بهير څخه ليدنه وکړه او د دغه بند د انحرافي تونلونو د چارو پر بشپړېدو باندې ټينګار وکړ، او اړوندو مسٶلينو ته يې اړينې لارښوونې وکړې٠
په ورته مهال، د اوبو او انرژي سرپرست وزير د فراه ولايت له يو شمېر قومي مشرانو سره وکتل او د هغوى ستونزې او وړانديزونه واورېدل، او له هغوى سره يې شته امکاناتو ته په کتو سره د ستونزو او وړانديزونو ته د رسيدګي په برخه کې د همکاري ژمنه وکړه٠
