د انرژي معینیت اونیزه ناسته د پروژو د وضعیت او د یاد معینیت د نورو کړنو د څېړلو په موخه ترسره شوه
دا ناسته د اوبو او انرژي وزرات د انرژي معین ښاغلي مولوي عارف الله عارف، د ټولو رئیسانو او د وزارت د انرژي سکتور د مسؤلینو په ګډون ترسره شوه.
په یاده ناسته کې، رئيسانو او مسؤلینو د خپلو هغو فعالیتونو په هکله معلومات ورکړل چې یوه اونۍ وړاندې یې په اړه لازمې پرېکړې شوې وې.
د دې ناستې په دوام کې، د انرژي پروژو په پلي کیدو کې د بیلابیلو موضوعاتو، د پانګوالو د را جلبولو او د هغو پروژو د مدیریت پر څرنګوالي چې د عامه او خصوصي مشارکت له خوا پلي کیږي، بحث او د نظر تبادله وشوه.
د اوبو او انرژي وزارت د انرژي معین ښاغلي مولوي عارف الله عارف د ټولو موضوعاتو تر هر اړخیزې څېړنې وروسته، اړونده رئيسانو ته لازم هدایات ورکړل.
