د انرژي معینیت اداري ناسته د یاد معینیت د بېلابېلو موضوعاتو د څېړلو په موخه ترسره شوه
یاده ناسته د وزارت مقام د دفتر عمومي رئيس او د انرژي معینیت وارسي کوونکی ښاغلي قاري محمد عبدالعزیز عزیز تر مشري لاندې د یاد معینیت د رئيسانو او ټولو تخنیکي مسؤلینو په ګډون ترسره شوه.
په دې ناسته کې د څو اړینو تخنیکي او اداري موضوعاتو لکه:په سمنګان ولایت کې د څېړنیز ټاور موضوع او په نورو ولایتونو کې د څېړنیزو ټاورونو موضوع د څېړنې او د لا ښه ارقامو د ترلاسه کولو او له هغو څخه د اغېزمنې ګټې اخیستنې، د انرژي معینیت د استراتیژي او نورو بېلابېلو موضوعاتو په هکله د هېواد د انرژي څانګې پر ځان بسیاکولو په لار کې د اغېزمنو چارو د ترسره کولو په برخه کې د اغېزمنې خدمت رسونې د ترسره کولو په هکله بحث او د اندونو تبادله ترسره شوه.
د وزارت مقام د دفتر عمومي رئيس او د انرژي معینیت وارسي کوونکی ښاغلي قاري محمد عبدالعزیز عزیز د ناستې د غړو د اندونو تر آورېدو وروسته، د انرژي په برخه کې د هېواد پر ځان بسیاکېدو په لار کې د اغېزمنو هڅو په ترسره کولو باندې ټینګار وکړ او اړوندو مسؤلینو ته یې د چارو د غوره ترسره کولو په موخه مشخصې دندې وسپارلي.
