د آمو سیند تحکیماتو رئیس د عمري قول اردو له قومندان سره ولیدل.
د آمو سیند سواحلو د تحکیماتو رئیس الحاج مولوي وکیل احمد نقي د ۲۱۷ عمري قول اردو له قومندان الحاج ملا شرف الدین تقي سره لیدنه وکړه.
په ناسته کې د ماورای کوکچه سرحدي ولسوالیو د بیړنیو تحکیماتي کارونو اړوند هر اړخیز بحث او د نظر تبادله وشوه .
دواړو لوریو د آمو سیند سواحلو اوسنی وضعیت، احتمالي ګواښونه او د عاجلو اقداماتو اړتیاوې وڅېړلې او هوکړه وشوه چې د تحکیماتو د چټکتیا او اغېزمنتیا لپاره به دواړه ادارې له خپلو تجهیزاتو، تخنیکي امکاناتو او ظرفیتونو څخه ګډه استفاده وکړي.
ناسته د تفاهم، همکارۍ او ښه نیت په فضا کې ترسره شوه، او پر دوامدارې همغږۍ ټینګار وشو.
