تخار ولایت کې د پنج آمو سیند د څنډو د تحکیماتو د شپږمې برخې(لاټ) پروژې چارې ۳۰ سلنه پرمخ تللې دي
د تخار ولایت د ینګي قلعې ولسوالي په یتیم تپه کلي کې د پنج آمو سیند د څنډو د تحکیماتو د شپږمې برخې پروژې چارې ۳۰ سلنه پرمخ تللې دي.
نوموړې پروژه د اوبو او انرژي وزارت له لوري یوه کورني شرکت ته د(۳۷،۴۶۳،۲۹۶) اوه دېرش میلیونه، څلور سوه او درې شپېته زره، دوه سوه او شپږ نوي افغانیو په ارزښت په قرارداد ورکړل شوی، چې د چارو په بشپړېدو سره به یې ګڼ شمېر استوګنیزکورونه او بڼونه د پنج آمو سیند له ویجاړیو څخه خوندي شي او همدارنګه به سلګونه جریبه ځمکه د کرهڼې لپاره چمتو شي.
