بغلان ولایت کې د حسن تال د اوبو ذخیروي بند لومړنۍ سروې ترسره شوه
د بغلان ولایت په مرکزي بغلان ولسوالي کې د حسن تال د اوبو ذخیروي بند لومړني سروي د یاد ولایت د سیندیزې حوزې د انجنیرانو له خوا ترسره شوه.
یاد بند د جغرافیايي موقعیت له پلوه په حسن تال سیمه کې د نهرین او مرکزي بغلان ولسوالیو د تنګې په منځ کې واقع شوی دی.
د سروې پر بنسټ، یاد بند د جیومورفولوژیکي پلوه یوه تنګه دره ده چې دکال په ټولو فصلونو کې د جاري اوبو لرونکي ده چې د اوبو سرچشمه یې د چرګې او پلفې کوتلونو څخه ده.
یاد تنګۍ په نوبتي ډول د ۱۸۰۰۰جریبه ځمکې د خړوبولو وړتیا لري او د بند د جوړولو په صورت کې به یاده وړتیا ۳۵۰۰۰ جریبه ځمکې ته لوړه شي.
