اوبو او انرژي وزارت کې د دریو عمومي حوزوي ریاستونو د کارمندانو لپاره د "مالي چارو د لګښت اسنادو چمتوکولو میکانیزم" ترسر لیک لاندې د وړتیا لوړونې ښوونیزه برنامه ترسره شوه
د کارمندانو د وړتیا لوړونې برنامو د لړۍ په دوام، دغه دوه ورځنۍ ښوونیزه برنامه د "مالي چارو د لګښت اسنادو چمتوکولو میکانیزم" ترسر لیک لاندې د اوبو او انرژي وزارت د مالي او اداري عمومي ریاست تر چتر لاندې د مالي او حسابي ریاست په همکاري د کارکوونکو د چارو ریاست له لوري ترسره شوه.
دغه برنامه چې د مالي چارو په پرمخ وړلو کې د اړینو آسانتیاوو د چمتوکولو او په دې برخه کې د شته ننګونو هوارولو او لارو، چارو په موخه ترسره شوې وه، د شمال، هریرود- مرغاب او پنج آمو عمومي حوزوي ریاستونو او د دغو عمومي حوزوي ریاستونو تر چتر لاندې د اوبو او انرژي له ریاستونو څخه د مالي او ادارې څانګې څه باندې ۳۰ تنه کارمندانو پکې ګډون در لود.
د یادونې وړ ده، چې د دغه ډول برنامو جوړول د دغه وزارت د کارمندانو د کړنو د غورهوالي او د چوپړتیاوو وړاندې کولو په برخه کې اغېزمن رول لري او د دغه وزارت د کارکوونکو د چارو ریاست له لوري به یې ترسره کول دوام ومومي.
