درنو هېوادوالو!
واوره یو ستر الهي نعمت دی، چې د ځمکې لاندې اوبو په پياوړتیا او د وچکالي د کچې په راټېټولو او له منځه وړلو کې اغېزمن رول لري.
د څو پرله پسي کلونو وچکالیو او ناوړه اقلیمي شرایطو له کبله زمونږ په هېواد کې د اوبو سرچینې ډېرې زیانمنې شوې دي.د اوبو کچه په ټول هېواد او په ځانګړي توګه په کابل ښار کې ورځ تر بلې مخ په ټېټیدو دي. د دې لپاره چې د اوبو د کچې په پیاوړتیا او لوړولو کې مو خپله ایماني وجیبه او هېوادنی مسؤلیت ترسره کړی وي او همدارنګه د راتلونکو نسلونو حق مو پر ځای کړی وي، نو راځئ چې د خپلو بامونو او کورونو واورې په هغو ځایونوکې چې د اوبو د جذب ډېره وړتیا لري، راغونډې کړو، ترڅو زمونږ او ستاسو څاګانو او د شاوخوا سیمو د ځمکې لاندې اوبو د پياوړتیا لامل شي.
