د اوبو او انرژي سرپرست وزیر د میدان وردک ولایت د مشرانو له یوې ډلې سره په هغه ولایت کې د اوبو پراختیایي پروژو په هکله بحث او د اندونو تبادله وکړه
د اوبو او انرژي سرپرست وزیر محترم الحاج ملا عبداللطیف منصور د میدان وردک ولایت د مشرانو له یوې ډلې سره وکتل او په هغه ولایت کې د اوبو پراختیایي پروژو په هکله خبرې، اترې وکړې.
په دغه لیدنه کې، د نوموړي ولایت مشرانو د سنګلاخ ذخیروي بند جوړونه د وزارت رهبري مقام ته وړاندیز کړه.
د اوبو او انرژي سرپرست وزیر د میدان وردک ولایت مشرانو ته ډاډ ورکړ، چې په راتلونکي کال کې په هغه ولایت کې د ګړومبي ذخیروي بند جوړونه د دغه وزارت په بودجه کې شامله شوې ده او د سنګلاخ بند په هکله هم د دغه وزارت تخنیکي ټیم د امکان سنجي مطالعاتو د سروې په موخه لېږل کېږي، ترڅو تر هغه وروسته د شته امکاناتو په پام کې نیولو سره نور اقدامات تر لاس لاندې ونیول شي.
