د اوبو او انرژي محترم وزیر صاحب په ریاض کې د افغانستان اسلامي امارت له لوی سفارت څخه لیدنه وکړه
۱۴۴۸/۵/۱ هـ.ق، مطابق ۱۴۰۵/۷/۲۱ هـ.ل
د افغانستان اسلامي امارت د اوبو او انرژي محترم وزیر الحاج ملا محمد یونس"آخندزاده" صاحب او مل پلاوي سعودي عربستان ته د خپل رسمي سفر په ترڅ کې په ریاض کې د افغانستان اسلامي امارت له لوی سفارت څخه لیدنه وکړه.
د لیدنې پر مهال محترم وزیر صاحب په سعودي عربستان کې د افغانستان سفارت له سفیر شیخ عبدالفتاح "رحیمي" صاحب او د سفارت له مسؤلینو او کارکوونکو سره وکتل.
محترم وزیر صاحب د سفارت مسؤلینو او کارکوونکو ته په خپله وینا کې وویل: مسؤلیت یو امانت دی او د دغه امانت په ادا کولو کې باید د ستړیا احساس ونه کړئ.
افغان ولس ډېر کړاوونه ګاللي او د ښو خدمتونو مستحق دي. هڅه وکړئ چې د هېوادوالو چارې پر خپل وخت ترسره شي او له ځنډ او خنډ سره مخ نه شي.
همدارنګه، محترم وزیر صاحب د سفارت د فعالیتونو، هېوادوالو ته د ښو خدمتونو په وړاندې کولو او د افغانستان او سعودي عربستان ترمنځ د اقتصادي اړیکو او ګډو همکاریو د پراختیا په اړه هم خبرې وکړې او سفیر صاحب یې خپلو چارو ته لا ښه متوجه کړ.
یاده لیدنه په دعائیې سره پای ته ورسېده.
