کونړ ولایت کې د وطلي کانال چارې ۲۵ سلنه پرمخ تللې دي
د کونړ ولایت د اوبو او انرژي ریاست مسؤولینو د دغه ولایت په چپې درې کې د وطلي کانال د چارو له بهیر څخه څارنه ترسره کړه.
د نوموړي کانال د جوړېدو چارې د اوبو او انرژي وزارت له پراختیايي بودجې څخه د ۷ میلیونه او ۸۱۷ زره او ۵۱۷ اعشاریه ۳۸ افغانیو په لګښت د یوه کورني شرکت له لوري او د کونړ ولایت د اوبو او انرژي ریاست تر څارنې لاندې پرمخ وړل کېږي، او چارې یې اوس مهال ۲۵ سلنه پرمخ تللې دي.
د یادولو وړ ده چې د نوموړي کانال چارې به د دریوو میاشتو په موده کې بشپړې او ګټې اخیستنې ته وسپارل شي.
