کندهار ولایت کې د تحکیماتي او ۶ کاریزونو د پاکاري پروژو چارې د څه باندې ۶۳ زره آمریکایي ډالرو د ۴۳۵۰۱۴۵.۲۴ افغانیو معادل په لګښت پيل شوې
د کندهار ولایت په ارغستان او شاولي کوټ ولسوالیو کې د میر علي، عبدالقدوس، حاجي ملا آغا، کلان او زنګیتانو کاریزونو د پاکاري، د کاریزونو د اوبو راوتونکو خولو پخول او د یوه اندازه تحکیماتي پروژو چارې د ۶۳ زره او ۵۰۵ اعشاریه ۷۷ آمریکایي ډالرو د ۴۳۵۰۱۴۵.۲۴ افغانیو معادل په لګښت پيل شوې.
د نوموړو پروژو په بشپړېدو سره به د څښاک او کرنیزو اوبو په برخه کې د نوموړو ولسوالیو په سیمو کې د خلکو ستونزې هوارې شي.
د نوموړو پروژو چارې د یونیسکو موسسې په مالي ملاتړ د کندهار د اوبو او انرژي ریاست تر څارنې لاندې پرمخ وړل کېږي، چې چارې به یې د دوو میاشتو په موده کې بشپړې او ګټې اخیستنې ته وسپارل شي.
