کاپیسا ولایت کې د ۷ نویو پروژو د پلي کولو د څرنګوالي په هکله خبرې، اترې وشوې
د کاپیسا د اوبو او انرژي رئيس محترم انجنیر کاوه خروش د یو، این، ډي، پي دفتر په استازولي له محترم ډاکټر غلام مرتضی خاشع او د یوه ودانیز شرکت له مسؤل سره وکتل او په دغه ولایت کې یې د ۷ نویو پروژو د پلي کولو د څرنګوالي په هکله بحث او د اندونو تبادله وکړه.
ښاغلي خروش په دغه لیدنه کې د نوموړو پروژو پلي کولو د هر کلي ترڅنګ د هغوی پلي کول د نوموړو ولسوالیو د کلیو د اوسېدونکو د ستونزو د هوارولو لپاره اړینه اړتیا وباله.
ټاکل شوې ده، چې د څنډو ټینګښت او د اوبو سرچینو سربندونو د کانالونو ۷ نوې پروژې د کاپیسا ولایت په نجراب او تګاب ولسواليو کې د کاپیسا د اوبو او انرژي ریاست تر څارنې لاندې پلي شي.
