کاپیسا ولایت کې د درې پروژو د چارو له بهیر څخه څارنه ترسره شوه
د کاپیسا ولایت د اوبو او انرژي ریاست تخنیکي ټیم د قول بابر کانال د سربند او د صدیقي او ده بابي کانالونو د ودانیزو چارو له بهیر څخه څارنه وکړه او اړوندو مسؤلینو ته د چارو د غوره پرمخ وړلو او چټکتیا په موخه اړینې لارښوونې وکړې.
نوموړې پروژې د ملګرو ملتونو سازمان د خوړو او کرنې د دفتر په مالي لګښت د کاپیسا ولایت د اوبو او انرژي ریاست تر څارنې لاندې پرمخ وړل کېږي.
