پکتیکا ولایت کې د ګیناوې چکډم چارې د څه باندې دوه میلیونه افغانیو په لګښت بشپړې او ګټې اخیستنې ته وسپارل شوې
د پکتیکا ولایت د اومنې ولسوالي اړوند د ګیناوې چکډم چارې د ۲ میلیونه، ۲۹۷ زره او ۴۶۳ افغانیو په لګښت بشپړې او ګټې اخیستنې ته وسپارل شوې.
نوموړی چکډم د ۳۷ زره او ۳۴۳ متره مکعب اوبو د زېرمه کولو وړتیا لري، چې د ځمکې لاندې اوبو په تغذیه کې به مثبت رول ولوبوي.
د نوموړي چکډم چارې د اوبو او انرژي وزارت په مالي لګښت د پکتیکا ولایت د اوبو او انرژي ریاست تر څارنې لاندې پرمخ وړل کېدي.
