پکتیکا ولایت کې د دشت پارک ذخیروي بند او یوه چکډم لومړنۍ تخنیکي سروې ترسره شوه
د پکتیکا د اوبو او انرژي ریاست مسؤلینو د دغه ولایت په یوسفخېلو ولسوالي کې د دشت پارک ذخیروي بند لومړنۍ تخنیکي سروې ترسره کړه.
نوموړی بند د ۴۰ متره په لوړوالي او ۲۳۰ متره په اوږدوالي سره جوړیږي، چې په جوړېدو سره به یې ۴ میلیونه، ۸۷۷ زره او ۲۲۱ اعشاریه ۱۳ متره مکعب اوبه زېرمه، او په یوسفخېلو، یحییخېلو، بکخېلو او اومنې ولسواليو کې به پراخې کرنیزې ځمکې خړوبې او د ځمکې لاندې اوبه به هم پياوړي شي.
همدارنګه، د نوموړي ریاست مسؤلینو په مټاخان ولسوالي کې د لغړو چکډم تخنیکي سروې هم ترسره کړه.
نوموړی چکډم د ۶ اعشاریه ۵ متره په لوړوالي سره جوړیږي چې د چارو په بشپړېد سره به یې ۳۰ زره او ۷۴۴ اعشاریه ۶۰ متره مکعب اوبه زېرمه او د ځمکې لاندې اوبه به هم پياوړي شي.
