په کنړ ولایت کې د یوه کوچني برېښنا بند د جوړولو چارې پیل شوې
د کنړ ولایت د خاص کنړ ولسوالي په شامکار کلي کې د یوه کوچني برېښنا بند د جوړولو چارې د اته سوه نهه زره او نهه سوه پنځلس افغانیو(809915) په ارزښت د اوبو او انرژي وزارت د انجنیري خدمتونو (واپیکا) رئیس محترم انجنیر اعجاز الحق دانشیار ، یو شمېر سیمه ییزو مسؤلینو او قومي مشرانو په شتون کې پیل شوې.
نوموړی بند به د ۱۵ کیلو واټه برېښنا د تولید وړتیا ولري او چارې به یې د دوو میاشتو په موده کې بشپړې شي.
د یادونې وړ ده، چې یاد بند د " افغانستان د برېښنا بند ولسي مبارزې" په مالي ملاتړ جوړیږي.
