په کندز ولایت کې د وکیل جنګل کانال د ګبیوني تحکیماتو پروژه د شاوخوا درې سوه زره (300000) امریکایې ډالرو په ارزښت پرانیستل شوه
د کندز ولایت په قلعه ذال ولسوالي کې د وکیل جنګل کانال د ګبیوني تحکیماتو پروژه د شاوخوا درې سوه زره (300000) امریکایې ډالرو په ارزښت د پنج آمو سیندیزې حوزې عمومي رئیس انجنیر رفیع الله مجتبی، د FAO دفتر استازي انجنیر مسعود تقي، د ولایت مقام استازي او د قلعه ذال ولسوالي د ولسوال په شتون کې پرانیستل شوه.
یاده پروژه د FAO دفتر په مالي ملاتړ د کمپاونډ بلډر شرکت له لوري د پنج آمو سیندیزې حوزې په همغږي سره پلي کېږي چې ګڼ شمېر هېوادوالو ته پکې د کار زمینه چمتو کېږي.
د یادولو وړ ده چې په یاده پروژه کې د 1200 متره په اوږدوالي، د 2.5 متره پراخوالي او د 4 متره په لوړوالي سره د ګبیونې تحکیماتو جوړول شامل دي چې چاري به یې د دري میاشتو په موده کې بشپړي شې.
