په میدان وردګ ولایت کې د اوبو په برخه کې د دوو پروژو چارې مخ په بشپړېدو دي
۱۴۴۸/۲/۱۹هـ ق مطابق ۱۴۰۵/۵/۱۲هـ ل
د میدان ښار سیندیزې فرعي حوزې ریاست مسؤلینو د یاد ولایت په سید آباد ولسوالي کې د بدګک کلي چکډیم او د برکي کانال پروژو د چارو له بهیر څخه څارنه وکړه.
د برکي کانال پروژې چارې ۸۷ سلنه او د بدګک چکډیم پروژې چارې ۸۰ سلنه بشپړې شوې دي.
د یادونې وړ ده، چې د یادو پروژو د چارو په بشپړېدو سره به د ځمکې لاندې اوبه تغذیه او په بېلابېلو موسمونو کې به د کرنیزو ځمکو د خړوبولو لپاره ورڅخه ګټه واخیستل شي.
