په لوګر ولایت کې د شاوخوا ۲ میلیونه افغانيو په لګښت د بوکه غونډۍچکډیم د جوړولو چارې پيل شوې
۱۴۴۸/۳/۱۷ هـ ق مطابق ۱۴۰۵/۶/۹ هـ ل
د لوګر ولایت د خروار ولسوالي اړوند د بوکه غونډۍ چکډیم د جوړولو چارې، د شاوخوا دوه میلیونه افغانیو په لګښت د اوبو او انرژي وزارت له پراختیایي بودجې څخه پيل شوې.
یاد چکډیم د څه باندې ۴۶ متره په اوږدوالي او د ۳ متره په لوړوالي سره جوړیږي، چې د چارو په بشپړېدو سره به یې د ځمکې لاندې او کاریزونو اوبه تغذیه او کابو ۳ زره متره مکعب اوبه هم زېرمه شي.
په دغه پروژه کې چې ګڼ شمېر خلکو ته د کار زمینه برابره شوې ده، چارې به یې د دریو میاشتو په موده کې بشپړې او ګټې اخیستنې ته وسپارل شي.
