په لغمان ولایت کې د پاچا جوی کانال د پاککاري چارې پيل شوې
۱۴۴۸/۳/۱۸ هـ ق مطابق ۱۴۰۵/۶/۱۰ هـ ل
په لغمان ولایت کې د پاچا جوی کانال د پاککاري چارې په یاد کانال کې د اوبو د غوره بهیر او ښه مدیریت او د کروندګرو ترمنځ د اوبو د عادلانه وېش په موخه پيل شوې.
یاد کانال ۲۳ کیلو متره اوږدوالی لري او شاوخوا ۹۵۰۰ جریبه کرنیزه ځمکه خړوبوي.
همدارنګه، د یاد ریاست مسؤلینو د قرغیو ولسوالي اړوند د فرمانخېلو او خروټو چکډیمونو پروژې د چارو له بهیر څخه څارنه وکړه.
د یادې پروژې چارې د شاوخوا ۵۴ زره امریکايي ډالرو په لګښت پرمخ وړل کېږي، چې د چارو په بشپړېدو سره به یې ۵۰۰۰ متره مکعب اوبه زېرمه، باراني او سېلابي اوبه به مهار او شاوخوا ۵۰۰ تنه ورڅخه ګټه پورته کړي.
