په روان کال کې په پکتیا ولایت کې د نږدې ۴۰ میلیونه افغانیو په لګښت ۲۱ بېلابېلې پروژې پلې شوې دي
په ۱۴۰۳لمریز کال کې د پکتیا ولایت په مرکز ګردیز، زرمت او روحاني بابا ولسوالیو کې د ۳۸ میلیونه، ۹۳۵زره او ۹۳۲ افغانیو په لګښت ۲۱ بېلابېلې پروژې چې پکې د سربندونو، کانالونو، حوضونو، کاریزونو او د څښاک اوبو څاګانو جوړونه، بیارغونه او پاکاري شاملې دي، پلي شوې دي.
نوموړې پروژې د پکتیا ولایت د اوبو او انرژي ریاست تر څارنې لاندې د اف.اي. او، یونیسکو او یو.این. ډي. پي موسسو له لوري پلي شوې دي، چې پکې ګڼ شمېر کسانو ته د کار زمینه چمتو شوې وه.
