نورستان ولایت کې د یوه استنادي دېوال جوړولو پروژه د نږدې ۴ میلیونه افغانیو په لګښت پيل شوه
د نورستان ولایت د نورګرام ولسوالي اړوند په بلیک سیمه کې د یوه استنادي دېوال جوړولو پروژه د ۳ میلیونه او ۰۰ ۸ زره افغانیو په لګښت د نورستان د اوبو او انرژي رئيس محترم مولوي محمد علي فاروقي، د نوموړي ولسوالي د ولسوال او قومي مشرانو په شتون کې پیل شوه.
نوموړی استنادي دېوال د اسلامي امارت له بودجې څخه د نورستان د اوبو او انرژي ریاست تر څارنې لاندې د ۱۴۰ متره په اوږدوالي او ۵ متره لوړوالي سره جوړیږي.
