ننګرهار ولایت کې د اوبو د پروژو د پلي کولو په موخه د همغږۍ ناسته ترسره شوه
د ننګرهار سیندیزې حوزې د ایف، اې، او، ډبلیو، ایف، پې او د ننګرهار ولایت د کرنې، اوبولګولو او مالداري ریاست د مسؤلینو ترمنځ په ننګرهار ولایت کې د اوبو د پروژو په برخه کې د پلان جوړونې او پلي کولو په هکله د همغږۍ ناسته ترسره شوه او په دې برخه کې بحث او د اندونو تبادله وشوه.
په دغه ناسته کې، د نوموړو ادارو مسؤلینو پرېکړه وکړه، چې د ننګرهار ولایت د سپین غر په لمنه کې د حصارک ولسوالي څخه تر نازیانو ولسوالي پورې د اوبو اړوند پروژې( سربندونو، کانالونو، چکډمونو او استنادي دېوالونو) باندې د یوه بل په همکاري او همغږۍ سره کار وکړي.
