ننګرهار ولایت کې د استنادي دېوالونو د چارو له بهیر څخه څارنه وشوه
د ننګرهار سیندیزې حوزې رئيس محترم سید فضل احد هاشمي او ورسره مل د دغه ریاست تخنیکي ټیم د ننګرهار ولایت په غني خېلو ولسوالي کې د استنادي دېوالونو د چارو له بهیر څخه څارنه وکړه او اړوندو مسؤلینو ته یې د چارو د غوره پرمخ وړلو په موخه اړینې لارښوونې وکړې.
د نوموړو استنادي دېوالونو چارې د آی، او، ام سازمان په مالي لګښت د ننګرهار سیندیزې حوزې تر څارنې لاندې پرمخ وړل کېږي.
د یادونې وړ ده، چې د ننګرهار ولایت په بېلابېلو ولسوالیو کې د اوبو د تنظیم او د سیلابونو د خطرونو د کمښت په موخه د ګڼ شمېر پروژو چارې د ننګرهار سیندیزې حوزې تر چتر لاندې د کورنیو او نړیوالو موسسو په مالي لګښت روانې دي چې پکې سلګونو کسانو ته د کار زمینه چمتو شوې ده.
