ناکامورا، د اوبو او ابادۍ سرود!
له نن څخه یو کال وړاندې زموږ هېواد خپل يو خواخوږي چې د اوبو د مهارولو په برخه کې د اوبو د چارو د تنظیم ملي ادارې سره له موخو سره همغږي فعالیتونه درلوده، پوره يو کال وړاندې په جلال آباد ښار کې له خپلو درېيو ساتونکو سره يو ځای د نامالومو کسانو له لوري ووژل شول.
ډاکټر تتسو ناکامورا چې په کاکا مراد مشهور او د PMS په نوم د يوې جاپانۍ خيريه موسسې رئيس و. افغان دولت د دغه جاپاڼي ډاکټر خدمتونو ته د درنښت په هدف نوموړي ته د افغانستان افتخاري تابعيت هم ورکړی و.
کاکا مراد پر خپلو نورو بشر دوستانه مرستو سربېره په افغانستان کې د کرنيزو ځمکو خړوبولو او دغه راز د اوبو کانالونو جوړلو په برخه کې هم بنسټيز کارونه کړي دي.
ناکامورا د خپلو زحمتونه په شان ښایستونه په میراث پریښودل، نیکمرغه هغوی دي چې د خدای ج طبیعت ښکلی کړي، داسې ښکلی چې د هغه مخلوقات یې په لیدلو د سکون ساه واخلي، او انسانان یې په لیدلو خوشاله او مرغان يې د ونو پر شنو لښتو په خوږو نغمو د خپل خالق ذکر کوي. بدبخته هغوی دي چې د خدای ج ښایسته طبعیت یې بدرنګه کړ، د طبیعت لورګانې (ونې) یې وسوزولې او نغمه ګر مرغان یې بې کوره کړل.
د اوبو د چارو د تنظیم ملي ادارې مشرتابه د ډاکټر ناکامورا د کړنو ستاینه کوي او دده پاتې هڅې بشپړوي. او هغه د افغانستان په تاریخ کې ځلانده او تل پاتې څېره یادوي او همدارنګه د خپلې خواوږۍ مراتب د هغه کورنۍ، خواخوږو، افغان_جاپان ولسونو او د اوبو او ابادۍ لارویانو ته وړاندې کوي.
ستا نوم به تل د یوه خدمتګار انسان په توګه یادیږي.
د اوبو د چارو د تنظیم ملي اداره
