لوګر ولایت کې د 3.4 میلیونه افغانیو په ارزښت شل کړۍ د څښاک اوبو د ژورو څاه ګانو کیندنې او لاسي پمپونو د جوړولو پروژې ګټې اخیستنې ته وسپارل شوې
یادې پروژې د لوګر مرستیال والي محترم محمد انور دین پرور، د لوګر سیندیزې فرعي حوزې رئیس محترم ملا محمد اسماعیل آخندزاده، د آی، دبلیو، دبلیو، اې، اې خیریه موسسې رئیس انجنیر سردار ولي، د ترکي خیره بنسټ مسئول او یو شمیر قومي مشرانو په شتون کې ګټې اخیستنې ته وسپارل شوې.
د نوموړو پروژو د ګټې اخسیتنې په مراسمو کې د لوګر مرستیال والي او د لوګر سیندیزې فرعی حوزې رئیس د نوموړو سیمو له اوسیدونکو څخه وغوښتل چې د یادو پروژ ساتنې او مراقبت ته دې جدي پاملرنه وکړي.
نوموړې پروژې د لوګر ولایت مرکز او برکي برک او محمد آغې ولسوالیو کې د اوبو او انرژي وزارت سره په تفاهم او د لوګر سیندیزې فرعي حوزې په همکارۍ او همغږۍ سره پلي شوې، چې 840 کورنۍ به ترې ګټه واخلي.
