لوګر ولایت کې د یوه سربند جوړولو پروژې چارې د 143000 زره امریکایي ډالرو په لګښت پیل شوې
د لوګر ولایت په څرخ ولسوالي کې د کهشان سربند جوړولو پروژې چارې د 143000 زره امریکایي ډالرو په لګښت د لوګر ولایت مرستيال والي مولوي محمد انور دين پرور، د لوګر د اوبو او انرژي رئيس محترم ملا محمد اسماعیل آخندزاده، د رياست تخنيکي سلاکار انجينر فضل الرحمن عمرزي، انجینرانو او یو شمېر قومي مشرانو په شتون کې پيل شوې.
د نوموړې پروژې چارې د یو، ان، اېف، اې، او مؤسسې په مالي لګښت د لوګر ولایت د اوبو او انرژي رياست تر څارنې لاندې پرمخ وړل کېږي.
د یادولو وړ ده چې د نوموړې پروژې په بشپړېدو سره به زرګونه جریبه کرنیزه ځمکه خړوبه شي او سلګونو ځایي اوسېدونکو ته پکې د کار زمینه هم برابره شوې ده.
