له عوفي بهرام شرکت سره د کابل ولایت په تره خېلو سیمه کې د ۱۰ میګاواټه لمریزې برېښنا پروژې د پلي کولو تړون لاسلیک شو
د اوبو او انرژي سرپرست وزیر محترم الحاج ملا عبداللطیف منصور د کابل ولایت په تره خېلو سیمه کې د ۱۰ میګاواټه په وړتیا د لمريزې برېښنا د تولید د پروژې د پلي کولو تړون د عوفي بهرام د کانونو را ایستلو او پروسس سوداګریز شرکت له مسؤل سره لاسلیک کړ.
د دغه قرارداد پر بنسټ د عوفي بهرام شرکت په پانګونې سره به د نوموړې پروژې د چارو پلي کول ډېر ژر پیل شي.
د یادونې وړ ده، چې څه موده وړاندې د اوبو او انرژي وزارت او د عوفي بهرام د کانونو را ایستلو او پروسس شرکت ترمنځ په دغه پروژه کې د پانګونې په موخه د همکارۍ هوکړه لیک لاسلیک شوی و، چې دغه تړون هم د هغه هوکړه لیک موخو ته د رسېدو لپاره د دواړو لورو ترمنځ لاسلیک شو.
