فراه ولایت کې د یوه استنادي دېوال د جوړېدو چارې د نږدې ۷.۵ میلیونه افغانیو په لګښت پیل شوې
د فراه ولایت په بکواه ولسوالي کې د یوه استنادي دېوال د جوړېدو چارې د ۷ میلیونه، ۴۵۱ زره او ۹۱۰ افغانیو په لګښت د فراه د اوبو او انرژي رئيس محترم ملا برهان الدین مینوال او یو شمېر نورو سیمه ایزو مسؤلینو او قومي مشرانو په شتون کې پیل شوې.
نوموړی استنادي دېوال د ۳۳۴ متره په اوږدوالي او ۲.۵ متره په لوړوالي سره جوړیږي، چې د چارو په بشپړېدو سره به یې ۱۸۰ کورونه او کابو ۱۲۰ هکتاره کرنیزه ځمکه د سیلابونو له ګواښونو څخه خوندي شي.
د نوموړې پروژې چارې د اوبو او انرژي وزارت له پراختیایي بودجې څخه د فراه د اوبو او انرژي ریاست تر څارنې لاندې پرمخ وړل کېږي، چې د پنځو میاشتو په موده کې بشپړې او ګتې اخیستنې ته وسپارل شي.
