زابل ولایت کې د عمري ذخیروي بند د حفظ او مراقبتي پروژې د چارو له بهیر څخه څارنه ترسره شوه
د زابل ولایت د اوبو او انرژي رئیس ملا عبدالکریم ذوالفقار او ورسره مل تخنیکي ټیم په دغه ولایت کې د عمري ذخیروي بند د حفظ او مراقبتي پروژې د چارو له بهیر څخه څارنه وکړه او اړوندو مسؤلینو ته یې د چارو د غوره والي او چټکتیا په موخه اړینې لارښوونې او سپارښتنې وکړې.
د یادولو وړ ده چې د نوموړې پروژې چارې د اوبو او انرژي وزارت له پراختیايي بودجې څخه د ۱۴ میلیونه او ۵۰۰ زرو افغانیو په لګښت او د زابل ولایت د اوبو او انرژي ریاست ترڅارنې لاندې پرمخ وړل کېږي او د څلورو میاشتو په موده کې به بشپړې شي.
