روان لمریز کال کې د هېواد په څلورو ولایتونو کې د ځمکې لاندې اوبو سرچینو معلوماتو د ثبت په موخه د ځمکې لاندې اوبو سرچینو ۸۰ پایې اتومات څارنیز سیسټمونه نصب شوي دي
د اوبو او انرژي وزارت د ځمکې لاندې اوبو ریاست د یونیسف ادارې په همکاري سره په روان لمریز کال کې په کابل، کندهار، هلمند او فراه ولایتونو کې د ځمکې لاندې اوبو سرچینو معلوماتو د ثبت په موخه د ځمکې لاندې اوبو سرچینو ۸۰ پایې اتومات څارنیزسیسټمونه انسټال او نصب کړي دي.
د یادونې وړ ده، چې د نوموړي سیسټم نصبول به خوست او ننګرهار ولایتونو ته هم وغځول شي.
