د یوه عراقي شرکتونو ګروپ مسؤلینو د پایدارې انرژي له عمومي رئیس سره په لیدنه کې د انرژي په پروژو کې پانګونې ته لېوالتیا څرګنده کړه
د اوبو او انرژي وزارت د پایدارې انرژي عمومي رئیس محترم مولوي عبدالرحمن رحماني د الراجي شرکتونو ګروپ له مسؤلینو سره وکتل او له بېلابېلو سرچینو څخه د انرژي د تولید په پروژو کې د پانګونې په هکله بحث او د اندونو تبادله وکړه.
د پایدارې انرژي عمومي رییس د انرژي په پروژو کې د هغوی د پانګونې د لېوالتیا هر کلی وکړ او له هغوی څخه یې وغوښتل چې د وزارت له تخنیکي مسؤلینو سره د پروژو د ټاکلو په هکله همغږي وکړي.
د الراجي شرکتونو ګروپ مسؤلینو افغانستان ته په راتګ خوښي څرګنده او ژمنه یې وکړه، چې ژر تر ژره به خپل مالي او تخنیکي پروپوزلونه د وزارت اړوند مسؤلینو ته وسپاري.
