د کندز ولایت په قلعه زال ولسوالي کې د اوبو میرانو د ټاکل کېدو پروسه بشپړه شوه
د کندز ولایت په قلعه زال ولسوالي کې د دوو کانالونو د اوبو میران د یادو کانالونو د کروندګرو له لوري د پنج آمو سیندیزې حوزې عمومي رئیس الحاج مولوي عبدالحکیم حاجي حکمت، د قلعه زال ولسوالي سرپرست مولوي عبدالله عبیده، د استخباراتو او امر باالمعروف او نهی عن المنکر استازو او د نوموړي ولسوالي د ګڼ شمیر اوسیدونکو په شتون کې وټاکل شول، چې د یادو کانالونو د اوبو میرانو په ټاکل کېدو سره په نوموړي ولسوالي کې د اوبو میرانو د ټاکل کېدو پروسه بشپړه شوه.
د یادونې وړ ده، چې د کندز ولایت په مرکز او ولسوالیو کې د اوبو او انرژي وزارت د کړنلارې پربنسټ، د پنج آمو سیندیزې عمومي حوزې ترڅارنې لاندې د رڼې پروسې له لارې د اوبو میران ټاکل کیږي، چې تر دې مهاله د یاد ولایت په شپږو ولسوالیو کې نوموړې پروسه بشپړه شوې ده.
