د کاپیسا سیندیزې فرعي حوزې مسؤلینو د اوبو سرچینو او له اوبو څخه راولاړو شوو ټولنیزو شخړو ته رسیدګي وکړه
د کاپيسا سیندیزې فرعي حوزې رئيس محترم انجنیر کاوه خروش د خواجه او خرم کانالونو د ټولنو له رئيسانو او د دغو کانالونو د کښته لاس له استازو سره د اوبو د کموالي د ستونزې او د اوبو سرچینو څخه راولاړو شوو شخړو ته د رسیدګي په موخه لیدنه وکړه.
د نوموړې حوزې رئيس د نوموړو کانالونو د استازو د ستونزو د اورېدلو ترڅنګ، د هغوی د ستونزو د هوارولو په موخه ژمنه وکړه او د ریاست تخنیکي ټیم ته یې لارښوونه وکړه، چې ستونزې له نږدې وڅېړي او ډېر ژر دې د هغوی ستونزو ته رسیدګي وکړي.
همدارنګه پرېکړه وشوه،چې د اوبو سرچینو حقوقي شخړې ته د رسیدګي په موخه چې د خپل سرو برېښنااوبیزو بندونو د جوړولو له لارې د کانالونو د اوبو د مسیر د انحراف لامل شوی په هکله یې د ولایت مقام په اداري غونډه کې خبرې وشي، ترڅو د ولایت مقام د اداري ناستې له پرېکړې سره سم په دې برخه کې اړین اقدامات تر لاس لاندې ونیول شي.
