د کابل ښار په ۱۹ ناحیه کې د برېښنا انرژي خدمتونو د وړاندې کوونکو شرکتونو د ارزولو چارې پیل شوې
د برېښنا انرژي د مارکیټ حقوقي رئيس محترم الحاج محمد حارث زرمتي او ورسره مل ټیم د کابل ښار د ۱۹ ناحیې له رئيس محترم مولوي عبدالغفور فاتح سره وکتل.
په دغه لیدنه کې، دواړو لورو د برېښنا مارکیټ د لا ښه تنظیم، د معیاري کودونو او سټندردونو د رعایتولو، د معیاري تعرفې د پلي کولو، د بې خطره تخنیک د رعایتولو او یو شمېر نورو موضوعاتو په هکله بحث او د اندونو تبادله وکړه.
همدارنګه، د برېښنا انرژي عمومي ریاست تخنیکي ټیم د کابل ښار په ۱۹ ناحیه کې د برېښنا انرژي خدمتونو د وړاندې کوونکو شرکتونو د ارزولو چارې پیل کړې.
