د کابل په سیندیزه عمومي حوزه کې" د راپور ورکولو او د ۱۴۰۱ مالي کال په بهیر کې د ترسره شویو فعالیتونو د ارزونې " تر سرلیک لاندې ناسته ترسره شوه.
یاده ناسته د کابل سیندیزې عمومي حوزې رئيس محترم انجنیر حبیب الرحمن حقپال تر مشري لاندې د ټولو کارمندانو په ګډون ترسره شوه.
په دې ناسته کې د ۱۴۰۱ مالي کال په بهیر کې ترسره شوي فعالیتونه وارزول شول او همدارنګه د ۱۴۰۲ مالي کال لپاره د پلان د ترتیبولو په هکله بحث او د اندونو تبادله وشوه.
همدارنګه په یاده ناسته کې د ۱۴۰۲ مالي کال په بهیر کې د تخنیکي او اداري چارو د غوره او پر وخت پرمخ وړلو او د ستونزو پر هوارولو باندې ټینګار وشو.
