د چاریکار ښار د مرکزي کانال د پاکاري چارې د اووه میلیونه افغانیو په ارزښت پیل شوې

د چاریکار ښار د مرکزي کانال شپاړس کیلومتره د پاکاري چارې د اووه میلیونه افغانیو په ارزښت د پروان مرستیال والي محترم مفتي محمد ادریس انوري، د غوربند چاریکار سیندیزې فرعی حوزې رئيس محترم انجنیر مجیب الرحمن حبیبي او د پروان ولایت د یو شمېر سیمه ییزو مسؤلینو په ګډون پیل شوې.

ښاغلي حبیبي د نوموړې کانال د چارو د پرانیست پر مهال وویل چې په دغه پروژه کې د څه باندې ۷۰۰ کسانو لپاره د کار زمینه چمتو شوې او چارې به یې د دوو میاشتو په موده کې بشپړې شي.

د دغې پروژې چارې د DRC  موسسې په مالي ملاتړ پرمخ وړل کېږي.پ