د پکتيا سينديزې فرعي حوزې رياست کارمندانو د یاد ولایت د علماوو شورا له غړو سره ګډه ناسته ترسره کړه.
د پکتیا سیندیزې فرعي حوزې کارمندانو د یاد ولایت د علماوو شورا د یوه پلاوي چې مشري یې د پکتیا د علماوو شورامرستیال ښاغلي شیخ نورالله نوري کوله وکتل.
ښاغلي نوري په یاده ناسته کې له دولتي ادارو څخه څارنه د علماوو شورا له مسؤلیتونو څخه و بلله او په اسلامي نظام کې یې د شورا د ارزښت او اهمیت په هکله هر اړخیز معلومات وړاندې کړل او له کارمندانو څخه یې وغوښتل چې د نظام د لا پياوړتیا په موخه ورسره خپلې ګټورې مشورې او اندونه شریک کړي.
په ورته مهال، د پکتیا سیندیزې فرعي حوزې سلاکار ښاغلي انجنیر نجیب الله توتاخیل د پکتیا ولایت د علماوو شورا له غړو سره خپلې مشورې او وړاندیزونه شریک کړل.
