د پورتني هریرود- غور سیندیزې فرعي حوزې رئيس د اوبو او انرژي وزارت د کورنۍ پلټنې له پلاوي سره وکتل
د پورتني هریرود- غور سیندیزې فرعي حوزې رئيس محترم ملا رحمت الله اماني د اوبو او انرژي وزارت د کورنۍ پلټنې د پروژو له تخنیکي پلاوي سره وکتل او د دغې حوزې د پروژو د ارزولو په هکله بحث او د اندونو تبادله وکړه.
په دغه لیدنه کې، ښاغلي اماني د وزارت کورنۍ پلټنې پلاوي ته د دغې حوزې د پشپړ شوو پروژو، تر کار لاندې پروژو او راتلونکو کاري پلانونو په هکله هر اړخیز معلومات وړاندې کړل او د هر راز همکاري ژمنه وکړه.
په ورته مهال، د وزارت د کورنۍ پلټنې پلاوي هم د نوموړې حوزې رئيس ته د خپلو کاري برنامو په هکله اړین معلومات وړاندې کړل.
