د پنج آمو سیندیزې حوزې عمومي رئيس د اف، اې، او دفتر له مسؤلینو سره وکتل
د پنج آمو سیندیزې حوزې عمومي رئيس محترم مولوي عبدالحکیم حاجي حکمت د اف، اې، او دفتر له مسؤل محترم انجنیر عبدالحمید او مل پلاوي سره وکتل.
په دغه لیدنه کې، ښاغلي حاجي حکمت د اوبو پروژو د پلي کولو په برخه کې د نوموړي دفتر کړنې وستایلې او ټینګار یې وکړ، چې د اوبو په برخه کې د پروژو پلي کول باید له دغې حوزې سره په همغږي ترسره شي.
په ورته مهال، د نوموړي دفتر مسؤل وویل ټاکل شوې ده چې د دغه دفتر عمومي رئيس ریچارد، کندز ولایت ته سفر وکړي او د اوبو پروژو د پلي کولو په برخه کې خپلې طرحې او وړاندیزونه له هغوی سره شریک کړئ.
د دغې لیدنې په پای کې دواړو لورو پر ګډې همکاري او لا همغږۍ باندې ټینګار وکړ.
