د پنج آمو سیندیزې حوزې عمومي رئيس د آغاخان دفتر له مسؤلینو سره په کندز ولایت کې د یوه کانال او استنادي دېوال د جوړولو په هکله خبرې وکړې
د پنج آمو سیندیزې حوزې عمومي رئيس محترم مولوي عبدالحکیم حاجي حکمت د آغاخان دفتر د کندز څانګې له مسؤلینو سره وکتل او د نوموړي دفتر له لوري په کندز کې د یوه کانال، استنادي دېوال او پل ګوټي د جوړولو په هکله خبرې وکړې.
په دغه لیدنه کې د نوموړي دفتر مسؤلینو وویل په پام کې لري چې د کندز ولایت د قلعه ذال ولسوالي په شورارق سیمه او د امام صاحب ولسوالي د جرسکن فیض آباد سیمه کې یو کانال، استنادي دېوال او پل ګوټی چې تېر کال یې لومړنۍ سروې ترسره کړه، جوړ کړي.
د پنج آمو سیندیزې حوزې عمومي رئيس د نوموړي دفتر له مسؤلینو سره د نوموړو پروژو د پلي کولو په برخه کې د هر راز همکارۍ ژمنه وکړه.
