د پنج آمو سیندیزې حوزې انجنیرانو د وړتیا لوړونې په موخه څلور ورځنی روزنیز ورکشاپ پیل شو
د اوبو او انرژي وزارت د تخنیکي ټیم له لوري د پنج آمو سیندیزې حوزې د ځمکې لاندې اوبو انجنیرانو د وړتیا لوړونې په موخه څلور ورځنی روزنیز ورکشاپ پیل شو.
د یاد ورکشاپ په پرانیست غونډه کې د پنج آمو سیندیزې حوزې عمومي رئيس الحاج مولوي عبدالحکیم حاجي حکمت د ځمکې لاندې اوبو د ارزښت په هکله هر اړخیزه وینا وکړه او له ټولو ګډونوالو څخه یې وغوښتل، چې له دې ورکشاپ څخه دې په سمه توګه ګټه واخلي.
د یادونې وړ ده، چې نوموړی ورکشاپ د یونیسف سازمان په مالي ملاتړ ترسره شوی دی.
